君 唔使番工. 決定出發去郊遊! 佢臨時用電話訂住宿.去邊? 幾日前都剩係知向亞樹維鎮去.
見習人類SN 星期五 先知到會 遊山「玩」水.
先喺 L模餐廳 食早餐. 要咗奄列餐. 自選百搭組合. 另加水果.
十點幾食完至上路.
入滿一缸油 帶我去數百里車程嘅山長水遠嘅某山區睇山睇風景玩水同睇瀑布。
長路漫漫.
咦!
車上竟然有 梅艷芳 精選CD !!??唔識廣東話架噃.... [ 睇落應該仲係老番添!
話係唐人街老闆介紹.... ] 哦.... 見習人類SN唱吓歌時間易過啲.....
花旗星 の 煙囪岩Chimney Rock. 入場費 花旗金$14.
半山腰停車場影上去.
經過大約200呎岩洞隧道 排隊搭電梯, 上二百五十呎.
電梯係1949年完工. 60周年!
由上面望遠景.
向下望. 好高!
喺紀念品店後的小食堂,
見到舊朋友夫婦. 相擁那女的.坐下談一會兒. 介紹見習人類SN這個朋友. 又是朋友.
三次見到熟人也是介紹見習人類SN為朋友.
女的表情好像不喜歡見習人類SN.
終於在散場後,
見習人類SN自己行, 罵了他一句白痴.
落番去, 郊野公園徑行廿分鐘, 天氣好熱好濕.
再吵一鑊.
的典型處理手法是一個人先行.到咗 Hickory Nut 瀑布 ....... 玩水影相.
今日水勢弱. 好多人都除鞋去瀑布底影相. 水好凍.
(晚晚好夜先至又酒又肉晚餐, 腰部終於出現「水抱」!!
所以 唔可以放啲相出嚟. )
六點幾離開. 夏天日照時間長. 天仲好光.
喺路邊買啲水果. 喺超市買啲食物同樽裝水.
到亞樹維鎮附近 25號公路某一Guest House 住宿.
Guest House 用金屬欄杆走廊式. 走廊係半露天嘅.
方形房間OK. 比東橫Inn貴而細, 大約係雙倍價錢.
梳洗台加行李架同床一樣長, 梳洗台同床平排無門.
研究一下地圖星期日行程. 稍稍休息. 食啲麵包飲啲水.
腹脹脹便秘. 一小時多 仍在廁所. > - <
無的士.
同接待處吹完水先至叫的士去 亞樹維鎮1896餐廳.等車期間, 喺大堂呤咗件唔知乜糕餅.....
路邊咖啡茶座式餐廳.
對住紀念大柱廣場. 路邊有人表演自彈自唱.
嘢食到齊已經十點幾.
啲嘢食 好咸.好咸.
夜晚十點九左右走. 店舖都柵咗門.
時差 + 無午睡, 見習人類SN好癐 想返去.
但係
君 想周圍行吓. 無奈.
無帶地圖, 是但行. 有特色建築物.
喺鎮中 行吓行吓. 影吓影吓景物.
午夜
先至 搵 的士返Guest House.好快瞓着.
其實, 煙囪岩郊野公園 同 亞樹維鎮 各自都可玩一兩日!
今日只係走馬看花到此一遊.
希望有生之年有機會再去慢慢遊覽.
(遊記: 廣東話版精華版 ) 上山下水週末part B.
行程第8天. 20090802.(日Sun) 日曜日: 雨天!
Guest House大堂食早餐. 住宿費包小型自助早餐.
check out 走時先至發現有泳池.
一碗過: 粟米片 + 麥皮.
出發去 著名的藍嶺山行車通道某小段, 睇山睇風景睇雲玩水避暑.
喺亞樹維攞嘅免費地圖唔清楚.
喺幾份免費地圖前有心理壓力下搵路. 其實
係曾經去過嘅.藍嶺山行車通道, 同時歡迎單車使用!
路上見到比較原始嘅里程碑. (小石柱上有個數字.) 車太快; 冇影相.
山上晴陰不定. 好清靜. 雲,喺腳底? 頭, 喺雲中?
Right! 見習人類SN.... My head has been in the cloud for a long time!
有唔少鑿開巖石而成的行車隧道. 冇燈. 如果踩單車都幾恐怖.
全條行車道最高處有6千幾尺左右(1845米).
今次冇去咁盡 . 只係去咗一小段. 最高都係 2-3-4千尺啫.
十進制? 上網搵換算器計計...... 4925尺 = 1501米 高 左右 .
山路多S路; 有啲「暈車浪」.
Then, 轉276號路, 向南行「少少」.
11點幾到 滑梯石Sliding Rock. 入場費花旗金$1.
有更衣室同救生員. 唔計油錢真係超值.
山中天然岩石滑入泉水河/池。 河底/池底唔平多沙石. 天然!
好多家庭老老少少俾$入場. 排隊滑入天然泉水河/池。
睇咗十分鐘定十五分鐘..... 掙扎 掙扎.....
見習人類SN.... 從冇試過玩任何水上樂園.
見習人類SN.... 明明仲着住冷衫.(剛剛仲有啲暈車浪)
不過,
見習人類SN.... 係白羊座星人,
仲係喺現場唯一嘅香港代表!
當然唔可以丟假! 換衫, 再借
一件T. 咬咬嘴唇，滑咗。
由石上滑落去 (被河水沖落去).
呀!! ~~~~~冰冷嘅水~~~~~呀!!
鐡達尼呀~~~~~ 如喺冰水中掙扎求生.
君 愛玩, 只好排隊再滑一次! (因為兩人都先後落水, 冇影相.)
話係無污染山泉水.不過見習人類SN.... 閉目閉氣匆忙上水唔記得飲啖.
如果天氣熱, 可能見習人類SN.... 會玩多幾次.
離開時，太陽先至出嚟!! 攪錯呀!
差唔多1點 經Looking Glass 瀑布.
落去睇睇. 無再行落水啦.影相就走.
頭髮仲係濕嘅.
(
君 發現唔見咗信用卡. 佢打電話去查餐廳電話. 但係高山上冇乜訊號. 好彩最後搵到)
來路即係去路.
兩三點左右, 返到亞樹維鎮.
星期日, 搵位泊車 搵咗一段時間.
去果間餐廳攞返留低嘅卡.
再 喺餐廳旁邊另一店食店:
即係亞樹維鎮 紀念柱廣場 對着嘅大街嘅中式麵家.
店員都唔係華人.
因為雲吞唔係雲吞.雲吞湯唔係雲吞湯,
可能係厄外國人嘅非正宗中式食店啩? 唔平. 笨咗.
入咗某有趣嘅兩層嘅舊式百貨商店.
名信片. 即寫即寄俾媽.
君買咗一本書同一件哥倫比亞牌恤衫. 一來藍色郵筒唔起眼.
二來街邊太多報紙雜誌自助販賣「機箱」.
紀念柱廣場旁 有郵筒.
回程. 又一缸氣油 ! 好遠. 坐都好癐.
經 高嘉超市 買啲嘢食.
(高嘉超市個英文名成日令我諗起幪面超人古珈.)
7-8點左右返到去.
終於收到 都林旅客資訊中心寄來嘅資料.
晚餐: 喺
租用嘅單位嘅露台, 燒烤喺超市買嘅雞槌同勁咸嘅牛肉腸. 攪咗好耐都未熟. 原來冇氣; 換另一樽氣.
唔記得影相就食晒. (好熱氣) .
見習人類SN.... 唯有切個生果食兩份食.
睇吓少少電視.... 好癐. 就去沖涼休息.
事後孔明:
藍嶺山行車通道係花旗星上次經濟大衰退後其中一個製造就業機會嘅大工程.
佢橫跨花旗星東部兩個州(維珍尼亞州同北嘉露菈娜州),
469里長. 係喺崇山峻嶺上開路,
主要是觀光旅遊郊遊用的. 80年代先至完成.
今次即日來回只係去過圖中中間位一小段.再落去276號路少少.
下圖綠色數字對應路上的里程碑數字. 今次只係去過390-410多少少.
必斯嘉山一段.(屬 必斯嘉國家森林郊野公園)
(410-390=20 ; 全條路469里長 ; 20/469 = 全條路嘅4.26%)
+25號路近亞樹維鎮出發+ 276號路向南行少少
1里 即係.... 又上網搵搵.....
1里 = 1609.344 米 = 5279.984 尺
20里 = 32.187千米.
469里= 754.78 千米.
Google Earth/Google Maps都未有清楚標明!
要去相關網站至搵到詳細地圖.
見習人類SN希望他日有機會參觀Biltmore Estate.
~~~預告 參觀.
沒有留言:
張貼留言
歡迎你留言. 謝謝:::::