行程方面, 雖然今次比較倉促,
但一如以往, 係有先上網找搵資料:
當地旅遊局官方網站﹑ Google Earth+/Google Maps﹑
weather underground (天氣) 網站等.
但又唔會嚴限自己邊日一定去邊處,
首先 視乎身體適應時差情況同天氣.
其次 係因為到步後, 當地資訊當地人總會有更多好介紹.
其實, 以前去咗花旗星幾次, 都係去遊客去嘅地方,
初時 去內華達拉州: 斯維加斯.去咗幾回.
然後 係免銷售稅嘅 俄立岡州 去咗兩回.加 聖地牙哥一天遊.
再然後 係德剎斯州 達拉斯 + 侯斯頓.
越去越東. 越飛越遠. 越飛越耐.
今次機票係特價, 用信用卡買兼同時賺里數.
今次係探人為主. (除咗一晚) 唔駛卜酒店.
君盡地主之誼, 好慳. 今次去嘅係個小城鎮, 都林.
一個曾經風光過嘅小城鎮. 現算係科研三角州嘅一個角.
[都林: 地球有另一兩個譯得唔係咁好嘅譯名.]
北嘉露蓮娜州或北卡羅來納州, 在花旗星東岸.
所以飛行航程比較遠. 去程先後坐三架飛機.
本來, 來回都係經成田同亞特蘭大.
不過因為第一程取消, 第二程行程要改動.
(以前去過NV, OR, CA, TX, 今次係NC.
本來想經MN. 將來如果有機會的話想去去MI, NY, NJ, HI, FL )
小城鎮, 無輕鐡地鐡.所以, 以唔揸車而時間體力有限嘅我來講,
都林可以睇嘅主要係兩大部份: 舊城區 和 大學區.
同從前去自由行嘅我比較,
開始學習唔好太大貪想話一日盡量去三個地方咁風塵僕僕滾水漉腳.
今次, 加上交通不便, 任由身體適應花旗時差.
所以第一個星期, 無活動!!!
剩係淋花洗衫睇電視上網睡覺.
電視太多廣告,悶.
反而係體操台/晨操台不錯.
不停播各種各派健康操, 連瑜珈都有.
君 工作時間長, 放工後 返來已經六點七點
至一齊外出飲飲食食.
好彩 夏天日照時間長, 天仲光.
好快又一日.
第一個星期最特別嘅算係我第一次坐電單車.
o念起細時睇電視嘅日本幪面超人.
係! 綁條絲巾喺頸度隨風飄揚. 老套當時興.
夏季無人着皮衫皮褲. 萬一晚上迎風太凍, 有條絲巾好啲啩?
我個頭好大?
除咗眼鏡至戴到頭盔. 每次上車落車反覆除眼鏡戴眼鏡都好煩.
唔怪得
君 戴隱形眼鏡. 仲唔用頭盔塊擋風. 雖然係電單車尾. 感覺很驚.
鈴木. 五六七十咪啫. 自己感覺好驚. 間中加速減速會頭盔撞頭盔!!
坐電單車, 無帶手袋相機. 所以無影相! 唯有畫啦!
(粗粗地, 用Yahoo繪圖工具算啦.)
夜晚坐電單車出去飲酒算唔算「飛」?
坐電單車, 代步啫.
發現 花旗人
君 枱頭有張紙, 係一封 日期係七月廿幾號嘅「Dear John letter」---
君 俾人飛.Oh dear!
行程另一啲部份, 係
君安排嘅. 一個週末去咗西北部山區.
上機前嘅週末則去咗玩
「花旗桌球」﹑逛街﹑「兜風」和玩「滾軸溜冰」.
坐電單車 去玩桌球 同 滾軸溜冰,
唔一定係飛仔飛女.
好普通嘅娛樂啫. 我外婆我娘親都坐過電單車啦.
(係呀! 60年代老竇揸電單車接我娘親坐後面.....)
沒有留言:
張貼留言
歡迎你留言. 謝謝:::::